Pasifika Education Community

Pasifika navigation

• Home
• Widgets
• Effective teaching
• Engaging with parents
• Tapasā
• Talanoa Ako - Pacific Talk About Education and Learning (TA PTEL)
• Pacific Education 2020–2030
• LEAP
• Pacific languages
  • Learning a Pacific language
  • Teaching resources
  • Pacific language weeks
  • Professional development
  • Rotuman
  • Gagana Sāmoa
    • Learning Samoan
    • Storybooks
    • Gagana Sāmoa language week
    • Alagā'oa mo le Gagana Sāmoa i le Initaneti
      • Motugā’afa 1
      • Motugā’afa 2
      • Motugā’afa 3
      • Motugā’afa 4
      • Motugā’afa 5
      • Motugā’afa 6
        • 6.1
        • 6.2
        • 6.3
        • 6.4
        • 6.5
        • 6.6.1
        • 6.6.2
        • 6.7
        • 6.8
  • Kiribati
  • Cook Islands Māori
  • Lea Faka-Tonga
  • ‘Gana Tuvalu
  • Fijian
  • Vagahau Niue
  • Gagana Tokelau
• About this site
• Resources
• Research

You are here:

• Home >
• Pacific languages >
• Gagana Sāmoa >
• Alagā'oa mo le Gagana Sāmoa i le Initaneti >
• Motugā’afa 6 >
• 6.2

O fautuaga mo le gagana Sāmoa e fa'apea:

• e tāua le a'oa'oina o le kalama i tamaiti 'uma e ui ina 'ese'ese sini ma gāluega e fa'atatau i le iloa o iai tamaiti i le gagana;
• ia a'oa'o le kalama i 'auala e galuea'ina ai māfaufau o tamaiti; 'auala fetufaa'i, ma 'auala e au'ili'ili ai le feso'ota'iga o se manatu 'autū o se fuaitau ma le fa'atulagaga o le gagana po'o le kalama o fuai'upu, ma palakalafa.

Ua iai nei ni mau mai su'esu'ega e lagolagoina le talitonuga e aogā le a'oa'oina o le kalama mo le atina'eina o fa'atulagaga sa'o o le gagana.

O a'oa'oga o lo'o fa'avasega a lātou polokalame i 'autū, ua faigatā ona iloa p'oo le fea vāega o le polokalame e fa'aofi ai le kalama. O le gagana Sāmoa fo'i ua lē o iai ni fa'avasegaga patino o le kalama i vāega e a'oa'o muamua ma fa'asolosolo atu ai i tūlaga loloto. Pau le tūlaga ua mautinoa e tāua le a'oa'o o le kalama toe tāua fo'i le a'oa'o o le gagana ina ia mafai ona fa'aaogā e feso'ota'i ai. O lona uiga o tūlaga e mo'omia o ni faiga e tu'ufa'atasia ai tūlaga nei e lua – o le a'oa'o o le kalama, ma fa'aaogaga o le gagana i feso'ota'iga.

6.2.1 O le Fa'apolokalameina o le Kalama i Lesona

Ua taua e Ellis (1999) o le faapolokalameina o le kalama i lesona ua aafia ai ni fesili se tolu.

• O le a le taimi o le atinaeina o le gagana lonalua e ono aoao ai le kalama?
• O le a le loloto ma le mamafa o le aoaoina o le kalama?
• E mafai ona faaofi le aoaoinao le kalama i aoaoga o fetufaiga ma faauigaga?

6.2.1.2 Taimi e A'oa'o ai le Kalama

Ua manino mai su'esu'ega, ua iai ni māfua'aga ua lē talafeagai ai ona a'oa'o le kalama i le 'āmataga o le a'oa'oina o se gagana lona lua. O polokalame o lo'o a'oa'o ai tamaiti i matā'upu uma i se gagana lona lua e lē fa'amamafaina le a'oa'o o le kalama i ona fa'atūlagaga. O tūlaga fa'atāuaina i ia polokalame o le lava lea o avanoa e fa'alogo ma feso'ota'i ai tamaiti i le gagana lona lua. O le isi itū o le 'āmataga o le a'oina o se gagana, o lo'o mafuli le taumafai o le tagata i le fatufatuga, ma le a'oina o 'upu, ma le taumafai lea e fa'aaogā e ui e le o 'ato'atoa le iloa i fa'atūlagaga o 'upu. O lona uiga mo tamaiti fa'atoā a'o lā lātou fa'asāmoa e tatau ona tele ni gāluega e fa'atupula'ia ai a lātou 'upu, ma a'o ai fa'aleoga e pei o vāega o 'upu e fa'amamafa, o gaugāleo, o le tosoina o leo, o leo o silapela, o sipelaga, ona fa'atoā taumafai ai lea e mālamalama i tulafono o le tu'ufa'atasiga o 'upu a'o fa'aaogā.

O le Tele o le A'oa'oina o le Kalama

O le loloto ma le lautele o le a'oa'oga o le kalama e fuafua i sini o lo'o fia 'ausia. Sa masani ona tausisi ia sa'o ma iloa 'ato'atoa le kalama o se gagana. Sa tele fo'i lesona e au'ili'ili ma gālulue ai i vāega o le kalama. I lenei vaitau ma talitonuga i gagana ua fautuaina ai le tāua o le mālamalama muamua i aga o le gagana, ma ona fa'atūlagaga, nai lō le taumafai e a'o fa'atauloto tūlāfono 'uma o le kalama. O lona uiga e tatau ona lava ni fa'ata'ita'iga e taumafai tamaiti e faifai mai ai po'o le ā le tūlāfono. O le fa'ataunu'uina o ia tūlaga e mafai ona fa'aaogā e tamaiti la lātou gagana muamua (fa'aperetānia) e fa'atalanoa ma au'ili'ili ai le kalama o fuai'upu Sāmoa, ma fa'atusatusa i le gagana Peretānia. O se isi tūlaga e aogā mo tamaiti o le fa'aaogā lea o lā lātou gagana Peretānia e fatufatu ai fuai'upu ma tala (ina ia le fa'ava'atu'ia o lātou māfaufau) ona fa'aliliu lea i le gagana Sāmoa. E 'avea lea ma 'auala e mafai ona iloilo e i lātou le fatu'āiga o fuai'upu i le gagana Sāmoa.

O le A'oa'oina o le Kalama i Fetufaā'iga

E tāua le iai o ni gāluega fetufāa'i e a'oa'o ai le kalama o lo'o mo'omia. O se fa'ata'ita'iga afai o lo'o fia a'o'ao le faia o fuai'upu veape, e mafai ona gālulue ta'ito'alua tamaiti – o se isi e iai 'āmataga o fuai'upu, a'o le isi e i ai fa'ai'uga. Ona gālulue fetufāa'i lea ina ia 'uma ane ua 'ato'atoa ma sa'o fuai'upu. Ua avatu i lalo se fa'ata'ita'iga fa'apea:

E mafai fo'i ona fa'alogologo tamaiti i se tala ua aofia 'uma ai tūlaga o i fuai'upu ona fa'atoā gālulue lea e tu'ufa'atasi.

O se isi 'auala o le fa'asa'o e le faiā'oga o ni tūlaga o lo'o sesē ai fa'aaogaga a tamaiti. E mafai ona fai sa'o lava i le taimi o lo'o tupu ai, pē fa'atali i se taimi mulimuliane. O se isi 'auala e mafai ona 'āmata i se gāluega fetufāa'i o lo'o fiafai ona au'ili'ili lea o 'upu o lo'o mo'omia ma le kalama o le'ā fa'aaogāina ona fa'amālamalama lea i tamaiti a'o le'i faia le gāluega. E mafai ona fa'avasega fa'apea:

• gāluega fetufaa'i – fa'amatala lona fa'asinomaga;
• fa'aaogaga o le gagana, o se fa'ata'ita'iga, fa'aaogā e ta'u atu ai lona igoa, 'āiga, nuu', o mea e fiafia i ai, o ona talitonuga;
• 'upu e mo'omia (o se fa'ata'ita'iga, igoa, 'āiga, mātua, uso, tuagane, tuafafine, ou te, nofo, fiafia, lo'u, to'afā, to'atolu, lonalua, ulumatua, ui'i, tausaga);
• kalama, fa'aleoga, fa'atulagaga, tu'ufa'atasiga, fui'upu, fuai'upu, O lo'u igoa o …, O o'u mātua o …, Ou te nofo i …, E …o'u tausaga, a'oa'o le segila, tuale, pelulale;
• tū ma aganu'u ia mātauina, o se fa'ata'ita'iga, 'ave le fa'aaloalo i isi 'ae le'o lē o lo'o tautala.

E aogā fa'avasegaga fa'apea ina ia mata'itū ai tūlaga o mo'omia. 'Ae iai ni tūlaga e tatau ona nofo va'ava'ai i ai le faiā'oga. O le tūlaga muamua, o le fa'afaigatā lea ona tāofi mau tamaiti e fa'aaogā le kalama o lo'o mo'omia. O le tūlaga lonalua, e ono 'avea le tausisi i ni fa'atūlagaga masani ma mea e fa'aitiitia ai le taumafai e fetu'una'i le gagana i ni ā lātou lava fa'aaogaga. E tāua lā le iai o 'auala 'ese'ese e mafai ona fesuisuia'i fa'atūlagaga o fuaitau e fa'aaogā e tamaiti.

O se isi 'auala ua fautuaina o le fa'aaogā lea o le fa'alogo e mātau ai fa'aaogaga sa'o o lo'o mana'omia. E lima la'asaga o lea 'auala.

1. Ia fa'alogo i se tu'ufa'atasiga o aofia ai vāega o le kalama o lo'o fia a'oina, o se fa'ata'ita'iga, tusi faitau, o se fagono, o se tala mai le nusipepa, o se lesipī.
2. Ia fa'alogo ma mātau, o se fa'ata'ita'iga, vase pe tusi i lalo fa'aaogaga o lo'o mo'omia.
3. Ia au'ili'ili le fa'aaogaga o lo'o tuliloaina i le faitau lea o le tu'ufa'atasiga. Taumafai e mālamalama ma faifai mai le tulāfono o le kalama.
4. Ia fa'aaogā se tu'ufa'atasiga o lo'o tele ni mea sesē o iai. Fa'asa'o e tamaiti mea o lo'o sesē.
5. Ia fa'ata'ita'i ona fa'aaogā le vāega o le kalama sa tuliloaina, i le tusitusi, ma le tautala.

O se Fautuaga Fou i le Tu'ufa'atasia o le Kalama ma le Fa'aaogā o le Gagana i Fetufaā'iga

Ua fautuaina e Ellis (1999) le lē tu'ufa'atasia o le silapasi o le fa'aaogaga o le gagana i fetufaā'iga ma se silapasi o le kalama, a ia va'ava'alua. O lona uiga ia le taumafai e fa'aofi le a'oa'oina o le kalama i totonu o fa'aaogaga o le gagana i fetufaā'iga a ia fa'a'ese'ese pea. E mafai ona fa'aata fa'apea:

(Ellis, 1999, itulau 11)

O le fuafuaga a le faiā'oga i totonu o le vasega e lua vāega. O le vāega muamua ma o le mamafa foi lea o le ao'a'oga ua aofia ai tūlaga e fa'aaogā ai le gagana i fetufaā'iga. O le vāega lona lua o se vāega 'uti'uti lea ma ua aofia ai tūlaga o le kalama. O le fa'avasegaina i le ata, o tamaiti fa'atoā 'āmata le a'oina o le gagana ua mafuli i le fa'alogo muamua 'ae 'uti'uti lava se kalama e a'oa'oina. O le kalama fo'i e 'āmata ai ua aofia ai le mātau o mata'itusi ma fa'aleoga, 'ae mafuli i le atina'eina o 'upu. O tamaiti ua feoloolo lā lātou gagana, ua tatau ona taga'i i le kalama o fui'upu ma fuai'upu. O tamaiti ua lelei lā lātou gagana ua tele le taimi pe tusa ma le 'afa o le taimi ua 'ave i le kalama, i le tu'ufa'atasiga o le gagana i fa'aaogaga 'u'umi, ma le lavelave o fuai'upu.

O le filifilia o vāega o le kalama e a'oa'oina ua mafai ona faia i le va'ai lea i tūlaga o lo'o sesē so'o ai tamaiti ma tūlaga o le mana'omia, o se fa'ata'ita'iga, i fetufaā'iga, tusitusiga. E le o iai ni mau mai su'esu'ega e iloa tonu ai le fa'asologa o le kalama o le gagana Sāmoa mo le a'oa'oina, 'ae mafai ona fa'alagolago i le poto masani ma ni fa'avae ua ta'ua i luga. O le fa'asologa o vāega o le kalama e a'oa'oina e ao lava ona 'āmata mai i vāega faigōfie se'ia o'o atu i vāega faigatā. E mafai ona fa'aaogā ni tūlaga e fuafua i ai le faigatā pe'ā fa'apea e tele ni tūlaga o aofia ai e pei o fuai'upu lavelave. O se isi tūlaga e faigatā ai, pe'ā fa'apea e tele tūlaga ua 'ese mai i le tulāfono (o se fa'ata'ita'iga, o nauna "e, o", ma le "o" – lou, sou, ma nauna "e, o", ma le "a" – lau, sau. O se isi tūlaga e ono faigatā ai o le 'ese'ese tele lea o le gagana Sāmoa ma le gagana Peretānia, o se faata'ita'iga, o le fa'atūlagaga o fuai'upu Sāmoa e tele ina 'āmata i veape.

O Lou Mata'alia ma Sogasogā i Lau Vasega

'A aotele fautuaga mo le a'oa'oina o le kalama o le gagana Sāmoa ona fa'apea lea:

• E tatau lava ona iai se fuafuaga mo le a'oa'oina o le kalama e va'ava'alua mo le fa'aaogaga o le gagana i fetufaā'iga.
• Ia a'oa'o le kalama i tamaiti ua tele 'upu 'ua lātou iloa ma 'ua mafai ai ona lātou fa'aaogā le gagana i fetufaā'iga e ui e le'o sa'o 'ato'atoa.
• Ia fa'a'ese'ese le a'oa'oina o le kalama mai fa'aaogaga o le gagana i fetufaā'iga.
• Ia tausisi e a'o le kalama o faigatā ma fai ma fa'afitāuli i tamaiti.
• O le 'āmataga o le a'oina o se gagana, o lo'o mafuli le taumafai o le tagata i le fatufatuga, ma le a'oina o'upu, ma le taumafai lea e fa'aaogā e ui e le o 'ato'atoa le iloa i fa'atūlagaga o 'upu. O lona uiga mo tamaiti fa'atoā a'o lā lātou fa'asāmoa e tatau ona tele ni gāluega e fa'atupula'ia ai a lātou 'upu, ma a'o ai fa'aleoga e pei o vāega o 'upu e fa'amamafa, o gaugāleo, o le tosoina o leo, o leo o silapela, o sipelaga mo le 'āmataga.
• E tatau ona lava ni fa'ata'ita'iga e taumafai tamaiti e faifai mai ai po'o le ā le tulāfono o le gagana.
• Ia fa'aaogā le gagana muamua a tamaiti e fa'atalanoa ma au'ili'ili ai le kalama o le gagana Sāmoa.
• O se isi gāluega fa'atino tāua o le fa'aliliu mai le isi gagana i leisi. E 'avea ia tūlaga e māfaufau loloto ai tamaiti i uiga ma aga a gagana e lua.

Back to top ^