Pasifika Education Community

Pasifika navigation

• Home
• Widgets
• Effective teaching
• Engaging with parents
• Tapasā
• Talanoa Ako - Pacific Talk About Education and Learning (TA PTEL)
• Pacific Education 2020–2030
• LEAP
• Pacific languages
  • Learning a Pacific language
  • Teaching resources
  • Pacific language weeks
  • Professional development
  • Rotuman
  • Gagana Sāmoa
    • Learning Samoan
    • Storybooks
    • Gagana Sāmoa language week
    • Alagā'oa mo le Gagana Sāmoa i le Initaneti
      • Motugā’afa 1
      • Motugā’afa 2
      • Motugā’afa 3
      • Motugā’afa 4
        • 4.1
        • 4.2
        • 4.3
        • 4.4
        • 4.5
        • 4.6
        • 4.7
        • 4.8
        • 4.9
        • 4.10
      • Motugā’afa 5
      • Motugā’afa 6
  • Kiribati
  • Cook Islands Māori
  • Lea Faka-Tonga
  • ‘Gana Tuvalu
  • Fijian
  • Vagahau Niue
  • Gagana Tokelau
• About this site
• Resources
• Research

You are here:

• Home >
• Pacific languages >
• Gagana Sāmoa >
• Alagā'oa mo le Gagana Sāmoa i le Initaneti >
• Motugā’afa 4 >
• 4.9

O le vasega lenei o le gagana Sāmoa i McAuley High School tausaga 10 na fa'atino ai sa'ili'iliga.

Alāfua

O alāfua o gāluega ma fuafa'atatau sa fa'aaogāina mai i le Ta'iala mo le Gagana Sāmoa i Niu Sila, ītulau 54, ma e fa'atatau i le fefa'asoa'iga o ni sa'ili'iliga, ni fa'amatalaga, ma ni manatu tōtino.

Ulutala ma Sa'ili'iliga

O le ulutala o le fa'atinoga o le sa'ili'iliga, o le matai Sāmoa. O le fa'alauteleina o le māfua'aga o le sa'ili'iliga, na fa'amālamalama ai e le faiā'oga i le vasega e ta'ua le ulutala ona o itū nei:

• 'ia tofu uma 'āiga Sāmoa ma matai e aofia ai ma tamaiti o le vasega;
• o le aogā o sa'ili'iliga e mafai ai e le tamaititi ona iloa 'ātili lona iga ma lona tupu'aga;
• o le matai o se tofi po'o se tagata tāua tele lea i le 'āiga e mata uma iai mea a le 'āiga Sāmoa.

Fautuaga mo le A'o'a'oga

Sa tu'u i tamaiti le pepa e iai fesili nei:

• O ā mea ua ou iloa e uiga i le ulutala?
• O ā mea ou te fia iloa e uiga i le ulutala (matai Sāmoa)?

O nisi itū sa fa'alautele ina ia 'ausia e sa'ili'iliga a le vasega mo le fuafuaga po'o le fa'ata'imuaga na aofia ai vāega nei:

• O le ā le uiga o le 'upu matai?
• O ā itū'āiga matai?
• O ā itū e ō mai ai?
• E iai ni vāega e tutusa pe 'ese'ese ai fo'i matai o lo'o soifua i Sāmoa ma ē o lo'o nonofo i Niu Sila nei?
• O ai matai o lou āiga?
• E fa'apefea ona fa'ae'e le tofi matai?

O se isi 'auala tāua sa fa'aaogā o le fa'atalanoa lea e tamaiti le ulutala ma faia ā lātou lava fesili mo le ta'imuaina o le sa'ili'iliga.

Sa fa'amanino 'ātili e le faiā'oga vāega tāua o le sa'ili'iliga. E tāua le a'oa'o mai o alaga'oa mai i vāega 'ese'ese e iai tusi, vitiō, nusipepa, leitiō 'ātoa fo'i ma tala tu'utaliga a 'āiga. Ia fa'aaogā fo'i nei alagā'oa e faitau, fa'alogologo fetufaa'i ma māfaufau i ai le tamaitiiti e tusi ai sana līpoti i le taimi mulimuli pe'ā fa'amatala lana sa'ili'iliga. O le 'auga o le sa'ili'iga na fa'amamafa e le faiā'oga, o le fai lea o se fa'amatalaga po'o se līpoti a le tamaititi e fa'aaogā ai ni alagā'oa ua tā'ua i luga po'o ni siata po'o kalafi fo'i.

Sa 'āmata i le faia o fuafuaga fa'ata'atitia a tamaiti i la'asaga ta'itasi o le sa'ili'iliga. O fuafuaga fa'ata'atitia e aofia ai fesili ta'imua, o le filifilia o 'auala e maua ai mau, o le fa'avasegaina o le taimi. O le isi vāega tāua o le sa'ili'iliga o le iai lea o avanoa e galueaina ai e tamaiti o lātou tomai ina ia tu'u fesili, a'oa'o fa'amatalaga, fetu'una'i ma fa'avasega ina ia maua se tali o fesili. O tūlaga uma e fa'ataunu'uina e tusia i se līpoti.

Gāluega

1. Ina ua māe'a ona fa'amālamalama gāluega e fai o le sa'ili'iliga, na tu'u atu loa le avanoa i tamaiti e talatalanoa ai ta'ito'atolu i fesili ua ta'ua i luga mo so lātou lava iloa i lea taimi.
2. Ina ua toe fa'atasi le vasega na 'aumai loa lipoti a vāega ta'itasi ia lātou tali i fesili. Na iloa se 'ese'esega o tali i le uiga o le 'upu matai. 'Ae lē gata fo'i i lea, e lē o matuā mālamalama tele fo'i tamaiti i faiva ma itū'āiga matai, ma le 'ese'esega o a lātou matāfaioi i Sāmoa ma Niu Sila. O nisi sa lātou iloa suafa matai o ō latou 'āiga, o nisi fo'i e lē iloa. O le ala lea na matuā fa'atāuaina ai e le faiā'oga lenei sa'ili'iga.O tūlaga ma'oti o le sa'ili'iliga a le tamaitiiti lava ia, na 'avatu i ai e le faiā'oga e fa'apea:E tasi le vaiaso mo le sa'iliga a le tamaitiiti.
3. Ia fa'aaogā ni alagā'oa se tolu pe sili atu fo'i mai mea nei: tusi, nusipepa, vitiō, leitiō, kalafi, siata, ata pu'e.
4. Ia tusitusia ma sāunia fo'i se tautalaga e 'aumai ai se lipoti o lana sa'ili'iliga.
5. Ia fa'ailoa mai i le tusitusiga ma le tautalaga po'o fea na maua mai ai ana mau.
6. Ia fa'aaogāina 'upu a le tamaitiiti lava ia i le lipoti e aunoa ma le kopi sa'o mai i alagā'oa.
7. Sa fa'agasolo pea gāluega a le vasega.I le ogātotonu o le fa'asologa o ā latou sa'ili'iliga a'o fuafua pea ma fa'amaumau fa'amatalaga, sa toe tu'uina le avanoa e gālulue ai ta'ito'alua tamaiti e iloilo a latou sa'iliga po'o fetaui ma fesili na tu'u mai i le 'āmataga. Sa fa'apea fo'i ona fesoasoani iai le faiā'oga i ā lātou gāluega.
8. I le i'uga o a lātou sa'ili'iliga sa fa'agāsolo ai loa lipoti a tamaiti ta'ito'atasi. Na fa'ai'u i le toe iloilo fa'atasi e le faiā'oga ma le vasega le 'ese'esega o mea na lātou iloa muamua e uiga i le matai Sāmoa, ma mea fou ua lātou maua i sa'ili'iliga.

Iloiloga

1. Na toe fo'i le faiā'oga ma le vasega i le pepa o fesili na sāunia i le 'āmataga mo iloiloga. Na tusi i lalo e tamaiti mea sa lātou fia iloa ua lātou maua i le sa'ili'iliga, 'ātoa fo'i ma mea fou ua lātou a'oa'oina.
2. Sa fesoasoani le faiā'oga, i le iloiloga mulimuli o līpoti a tamaiti o a latou sa'ili'iliga, e ala lea i fautuaga tusitusia 'ae le o maka po'o togi.

Gāluega Fa'aopoopopo

O le gāluega fa'aopoopo sa fuafuaina, o le sa'ili'ili lea o le tamaitiiti i lona lava 'āiga, ma lona tupu'aga.

Back to top ^