Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


You are here:

3.3 A'afiaga

O fa'avae o tū ma aga a so'o se atunu'u e mai anamuā ma e 'umi lava se taimi e lē suia. 'Atonu e suia ni 'auala e fa'atino ai ona o suiga o le olaga ma si'osi'omaga, e pei o le 'upu, "E sui faigā 'ae tūmau le fa'avae," ae o fa'avae lava ia e pei o faia ma le va feāloā'i, e 'umi se taimi o tūmau. O ni fa'ata'ita'iga, o fa'atinoga o le lau'ava o se maliu, o fa'aaloaloga i se fa'aipoipoga, ua iai 'oa a papalagi sa lē masani a'i.

O le si'osi'omaga o tamaiti Niu Sila ua 'ese lea mai le si'osi'omaga sa fa'afailele ai tū ma aga a Sāmoa i Sāmoa. O ni isi o fa'atinoga o tu ma aga o le fa'asāmoa i Niu Sila, e ono iai ni fete'ena'iga ma tūlaga o mo'omia ma fa'atulafonoina i le soifua ai le si'osi'omaga o Niu Sila. O ni fa'ata'ita'iga, o le faia o se umu e mo'omia ia se pemita, o tino maliu e lē teuina i tafatafāfale, e iai le vavao o ni gaoioiga i nofoaga faitele e latalata i isi 'āiga, o ni pese o le lotu afiafi e lē tatau ona leva le po o fai. E ono iai fo'i ni a'afiaga i lagona o tamaiti i le fa'asāmoa. O le a'oa'oina o tū ma aga o le fa'asāmoa, e tāua le iai o ni avanoa e fetufaa'i ai tamaiti i a'afiaga o ia fa'atinoga. O ia fetufaā'iga e tatau ona faia i se tūlaga e vasaga lelei ai le va'ai a tamaiti i itū 'uma o se matā'upu.

O se fa'ata'ita'iga, e tatau ona fa'atalanoa a'afiaga mai itū 'ese'ese e pei o le:

  • fa'aolaolaina o tū ma aganu'u;
  • tamao'āiga;
  • soifua mālōlōina;
  • malupuipuia o aiātatau;
  • a'oa'oga;
  • politiki;
  • tapua'iga.

O se isi fa'ata'ita'iga o le fa'atalanoaina o se matā'upu i itū e:

  • lelei ai;
  • fa'alēlelei ai;
  • ono suia;
  • fa'ava'atu'ia ai le fiafia o tamaiti i le fa'asāmoa.


Footer: