Pasifika navigation
- Home
- Widgets
- Effective teaching
- Engaging with parents
- Tapasā
- Talanoa Ako - Pacific Talk About Education and Learning (TA PTEL)
- Pacific Education 2020–2030
- LEAP
- Pacific languages
- About this site
- Resources
- Research
You are here:
- Home >
- Pacific languages >
- Gagana Sāmoa >
- Alagā'oa mo le Gagana Sāmoa i le Initaneti >
- Motugā’afa 3 >
- 3.1
3.1 Gāluega Sa'ili'ili mo le Fa'aleleia 'Ātili o Fa'ata'ita'iga
Ua 'uma ona tāmau i le Ta'iala o le Gagana Sāmoa i Niu Sila fuafa'atatau e ao ona 'ausia e tamaiti i tū ma aga o le fa'asamoa ma le gagana va'aia. O lo'o manino ia tūlaga i lalo o alafua e lua o le (1) e tatau ona maua ni avanoa e i lātou o lo'o a'oina le gagana e fa'atino ai amioga e talafeagai ai ma tu ma aga fa'asāmoa, ma (2) e tatau ona maua ni avanoa e i lātou o lo'o a'oina le gagana e fa'atino ai ma fetufaa'i e uiga i le gagana va'aia. O lo'o iai fo'i fautuaga fa'aopoopo i fuafa'atatau o ia alāfua i tausaga ta'itasi. E tāua i so'o se a'oa'oga o le aganu'u ma le gagana va'aia ona amata mai i tūlaga ua māe'a ona fa'ata'atitia i le Ta'iala o le Gagana Sāmoa i Niu Sila. O ia tūlaga ua māioio ai le fa'asologa o le loloto e tatau ona iai tū ma aga e a'oa'oina.
O fautuaga o lo'o avatu i le tusitusiga lenei o ni fesoasoani ina ia matau e susuga a faiā'oga ni isi o tāua o le fa'asāmoa o lo'o fa'avae ai fa'atinoga fa'aleaganu'u ma le gagana va'aia. O ia tāua e mafai ona tātou molimauina ia tātou tū ma aga i fa'atinoga 'ese'ese e pei o se feiloa'iga,fa'asoaina o taumafa, talanoaga a se 'āiga,fa'aaloaloga i se maliu,o fa'afiafiaga,fa'afeiloa'iga o ni mālō, feso'ota'iga,ma e mātūtūa i totonu o 'āiga.O lona uiga o nei tāua ua fa'avae ai so'o se fa'atinoga o le fa'asāmoa. E ao ona iai ni gāluega fa'alea'oa'oga e mafai ai ona mātau e tamaiti tāua nei 'ae lē na'o taga o se fa'atinoga.