Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


You are here:

2.9 Tusitusi i le Gagana Muamua ma le Gagana Lonalua

O tamaiti o lo'o tusitusi i se gagana lonalua, ua tāua tele le lava lea o lo lātou iloa o le gagana. E mafai ona iloa gasologa o se tusitusiga ma gāluega e fai ai. 'Ae a lē lava le gagana,ua lē mafai lea ona fa'atino (Cummings, 1989; Krashen, 1984). O lona uiga o a'oa'oga i tusitusiga e ao ona manatunatu po'o fea tulaga o lo'o mo'omia ai le fesoasoani mo tamaiti. O tamaiti ua lelei la latou gagana Sāmoa o le a mo'omia tele le fesoasoani i tomai o le feuiuia'iga o le faia o se tusitusiga ma galuega e patino i vāega ta'itasi.

O tamaiti o lo'o 'aveina le gagana Sāmoa o se gagana lonalua e mo'omia tele le atina'eina o la latou gagana ina ia lava. Ua aogā tele mo latou avanoa e fa'alogo ai i le gagana, avanoa e atina'e ai a lātou 'upu, avanoa e iloa ai le tu'ufa'atasiga o 'upu po'o le kalama. O tamaiti uma fo'i ua aogā tele le faitau mo le fatua'ia o manatu ma le mālamalama i aga o le tu'ufa'atasiga o le gagana i ni tusitusiga tetele.


Footer: