Pasifika navigation
- Home
- Widgets
- Effective teaching
- Engaging with parents
- Tapasā
- Talanoa Ako - Pacific Talk About Education and Learning (TA PTEL)
- Pacific Education 2020–2030
- LEAP
- Pacific languages
- About this site
- Resources
- Research
Fa'aaoga 'āmataga ua avatu i lalo e fesoasoani ai i lau paga ina ia toe teuteu lana tusitusiga. Fa'aali mai po'o le fea 'āmataga sa fa'aaogā.
(Franken, 1996)
O le tāua o lenei 'auala mo le teuteuina o tusitusiga o le fa'aaogā lea o tïma'iga e fa'amamafaina le va'ai i manatu po'o matā'upu faaalia ma le sologa lelei o manatu, nai lo le va'ai i le papa'u o tusitusiga e pei o fa'ailoga o le gagana tusitusi, ma le sipelaga o upu. O le isi itū e tāua ai o le fa'aaogā lea o le pepa e fetufaa'i ai tamaiti, ma mafaufau loloto ai i 'a'ano o tusitusiga. Ua sili atu ona tāua lea nai lo le faitau e le faiā'oga ma maka i le peni mūmū. Ua 'avea fo'i lenei tūlaga, ma ala e iloa ai e tamaiti tūlaga o lo'o mo'omia i sionara po'o fatuga 'ese'ese.
O se isi o 'auala ua fautuaina o le tele lea o ni avanoa e faitau, fa'alogo, va'ai, au'ili'ili, ma mātau ai e tamaiti fa'avasegaga, fa'aupuga, ma le soso'oga o manatu. E mafai ona fafau e tamaiti pe tu'ufa'atasi e i latou ni fuafa'atatau mo le sionara po'o fatuga i 'autū 'ese'ese. O se fa'ata'ita'iga, a fa'apea o lo'o fiatusi e tamaiti se fïnauga, e tatau ona lava ni fa'ata'ita'iga o finauga ua tusitusia e faitau ma au'ili'ili e tamaiti, ona lisi mai lea e i latou po'o a tūlaga e tatau ona aofia ma 'ausia i se faia o se fïnauga tusitusia.