Pasifika navigation
- Home
- Widgets
- Effective teaching
- Engaging with parents
- Tapasā
- Talanoa Ako - Pacific Talk About Education and Learning (TA PTEL)
- Pacific Education 2020–2030
- LEAP
- Pacific languages
- About this site
- Resources
- Research
You are here:
- Home >
- Pacific languages >
- Gagana Sāmoa >
- Alagā'oa mo le Gagana Sāmoa i le Initaneti >
- Motugā’afa 2 >
- 2.2
2.2 Tomai Faitau ma Tusitusi i se Vasega o le Gagana Sāmoa
O tamaiti o lo'o a'oa'oina le gagana Sāmoa i ā'oga maualuluga e 'ese'ese o latou tomai faitau ma tusitusi:
- O nisi ua iloa faitau ma tusitusi fa'asāmoa;
- O nisi ua iloa na'o le faitau ma tusitusi i le gagana Peretania;
- O nisi ua le'o mautū la latou faitau i so'o se gagana – ua lē o gafatia i tapenaga nei ni fesoasoani o lo'o moomia e le vaega lea;
- O le to'atele o tamaiti i ā'oga maualuluga ua iai o latou tomai faitau tusi.
O i latou ua iloa faitau le gagana Sāmoa e mafai ona iloa le vaega o le ta'iala ua latou 'ausia i le fa'atino lea o ni su'esu'ega a le faiā'oga. O le 'auga o a'oa'oga faitau tusi mo i latou o le galueai'ina ma fa'alauteleina lea o o latou tomai i fa'auigaga o tusitusiga. Ua aofia ai le malamalama i uiga o 'upu, malamalamaga saoaluma i ni tulaga o lo'o tu'usa'o mai i se tusitusiga se ia o'o atu i le auiliiliga o le 'ātoaga loloto o se tusitusiga.
O i latou e le'o lava lā lātou gagana Sāmoa, o le 'auga o a'oa'oga faitautusi mo i latou o le fa'atupula'ia lea o a latou 'upu ma le iloa o le kalama o le gagana Sāmoa, atoa ai ma le fa'aaogā latou tomai faitau tusi i le gagana Peretania e fesoasoani i le latou faitau fa'asāmoa.