Pasifika Education Community

Pasifika navigation

• Home
• Widgets
• Effective teaching
• Engaging with parents
• Tapasā
• Talanoa Ako - Pacific Talk About Education and Learning (TA PTEL)
• Pacific Education 2020–2030
• LEAP
• Pacific languages
  • Learning a Pacific language
  • Teaching resources
  • Pacific language weeks
  • Professional development
  • Rotuman
  • Gagana Sāmoa
    • Learning Samoan
    • Storybooks
    • Gagana Sāmoa language week
    • Alagā'oa mo le Gagana Sāmoa i le Initaneti
      • Motugā’afa 1
        • 1.2
        • 1.3
        • 1.4
        • 1.5
        • 1.6
        • 1.7
        • 1.8
        • 1.9
        • 1.10
        • 1.11
        • 1.12
        • 1.13
        • 1.13.1
        • 1.13.2
      • Motugā’afa 2
      • Motugā’afa 3
      • Motugā’afa 4
      • Motugā’afa 5
      • Motugā’afa 6
  • Kiribati
  • Cook Islands Māori
  • Lea Faka-Tonga
  • ‘Gana Tuvalu
  • Fijian
  • Vagahau Niue
  • Gagana Tokelau
• About this site
• Resources
• Research

You are here:

• Home >
• Pacific languages >
• Gagana Sāmoa >
• Alagā'oa mo le Gagana Sāmoa i le Initaneti >
• Motugā’afa 1 >
• 1.3

O le tautala e afua mai i le fa'alogo. E iloa fa'atino tūlaga 'ese'ese e mo'omia ai le tautala pe 'āfai e loloto le fa'alogo ma mātau. O le fa'atinoina o le fa'aaloalo ma tū ma aga o le va feāloai, e fa'alagolago tele i le iloa fa'aaoga tatau le gagana fa'aaloalo ma le gagana o lāuga mai i tūlaga faigfie e pei o le vala'au o ni mālō e taumamafa e o'o atu lava i le loloto o lāuga o feiloa'iga. E iloa le tagata a'o'aoina, i le poto e tautala ma fa'atino tulaga talafeagai i se 'autū.

Sa afuafua mai tomai o se failāuga i le taimi a'o taule'ale'a ma alu i le laoa po'o le maota o le matai o le 'āiga, e fa'alogologo ma va'ava'ai i tūlaga fa'atino. E soso'o atu lea ma le alu i fono a le nu'u. Sa le'i tūsia i lalo ni lāuga, ae sa fatufatu i le fa'alogo ma fa'ata'ita'i. Ua fa'apea nisi, o le fa'asāmoa ua mafuli i le a'o fa'atauloto ana faiga lāuga. E ao ona manatua, o lenā ao fa'atauloto, ua na'o se 'āmataga, ina ia iloa 'upu talafeagai, e pei la ona iai i fa'alupega ma fa'alagiga. A'o le failāuga e fāgota i le tai loloto, ua lē gata ina 'oa i 'upu 'ae ua silafia fo'i ona fetu'utu'unai ma fefulisa'i le gagana ina ia talafeagai ma se tūlaga. E mālamalama lelei fo'i i le 'anoliu o alagā'upu ma muāgagana e talafeagai ma tūlaga 'ese'ese. O se fa'ata'ita'iga, e iloa māfuaaga o alagā'upu, ma le si'osi'omaga e tatau ona fa'aaogā ai.

O le a'o fa'atauloto o se lāuga e aunoa ma se au'ili'iliga o le gagana, ua lape ai nisi o lāuga i le fa'aaogā sesē o 'upu ma fa'a'upuga ua le talafeagai ma se tūlaga o fa'atino. O le fa'ata'ita'iga, o ni 'upu o se maliu ae ua fa'aaogā i se fa'aipoipoga. E leai se mea e leaga ai le a'o fa'atauloto ma e iai foi tūlaga e tāūa ai, o se fa'ata'ita'iga, o le sulaina o tōga, o se solo'ava, auā e iloa ai upu, le fa'asologa, ma le faiga o leo. Peita'i e sa'olele ma logomālie le lāuga, e lē malu'ia foi, ona o le va'ava'alua o le silafia o le gagana i tulaga 'ese'ese, ma le iloa fetu'una'i le gagana ia talafeagai ma so'o se tūlaga.

E taūa le iloa o 'upu ma fa'a'upuga ae mo'omia tele le mafai ona fetu'utu'una'i le gagana ina ia talafeagai ma so'o se tulaga.

Back to top ^