Pasifika Education Community

Pasifika navigation

• Home
• Widgets
• Effective teaching
• Engaging with parents
• Tapasā
• Talanoa Ako - Pacific Talk About Education and Learning (TA PTEL)
• Pacific Education 2020–2030
• LEAP
• Pacific languages
  • Learning a Pacific language
  • Teaching resources
  • Pacific language weeks
  • Professional development
  • Rotuman
  • Gagana Sāmoa
    • Learning Samoan
    • Storybooks
    • Gagana Sāmoa language week
    • Alagā'oa mo le Gagana Sāmoa i le Initaneti
      • Motugā’afa 1
        • 1.2
        • 1.3
        • 1.4
        • 1.5
        • 1.6
        • 1.7
        • 1.8
        • 1.9
        • 1.10
        • 1.11
        • 1.12
        • 1.13
        • 1.13.1
        • 1.13.2
      • Motugā’afa 2
      • Motugā’afa 3
      • Motugā’afa 4
      • Motugā’afa 5
      • Motugā’afa 6
  • Kiribati
  • Cook Islands Māori
  • Lea Faka-Tonga
  • ‘Gana Tuvalu
  • Fijian
  • Vagahau Niue
  • Gagana Tokelau
• About this site
• Resources
• Research

You are here:

• Home >
• Pacific languages >
• Gagana Sāmoa >
• Alagā'oa mo le Gagana Sāmoa i le Initaneti >
• Motugā’afa 1 >
• 1.2

O le Gagana Tautala ma le Va Fealoa'i

O le fatu o le fa'asāmoa olo'o afīfī i totonu o le va feāloa'i ma fāiā.

O le fa'aaloalo i le va feālo’ai o matai o le saofa'iga a se nu'u, o le matai ma lona 'auāiga, o mātua ma fanau, o le feagaiga a le tuagane ma lona tuafafine, e tapu i ana 'upu, i lana gagana, ma aga e fa'atino ai. E fa'afaileleina tomai ma agava'a i le gagana, tū ma aga o le va feāloai i le fa'alogo ma le va'ai faifaipea.

O le fa'alogo e fa'atamāo'aiga ai i upu e talafeagai ona tautala ai. A tu'utu'u atu i le loloto, ua le na'o upu, 'ae o le fa'alogo e atamai ai i mamanu o fa'aaogaga 'ese'ese o le gagana, i le fatufatuga o manatu, i le fefulia'iga o le gagana ina ia sōloga lelei manatu, i le fegauia'iga o le leo, ma taga e fai. O le fa'alogo la e tāūa auā e le gata ina 'oa ai i 'upu, ma le feso'ota'iga o 'upu ina ia logomālie manatu i so'o se tulaga, ae o le fa'alogo lava e tōfatu ai atamai mo'omia i so'o se tūlaga o le soifuaga. Otomai ia e tāuā i le fa'atinoina o le va feāloa'i 'aiga, nu'u ma le atunu'u.

Sa fa'amoemoe lo tatou tamāo'āiga i fa'ato'aga, vaomatua ma faigāfaiva. O le atina'eina o tomai ma agava'a i faiva o le tamāo'āiga, fa'apea tu ma aga o le va feāloa'i ma faiā, sa tu'utu'utaliga. O le va'ai, fa'alogo, tautala ma fa'atino sa fa'atāūaina tele. O le va'ai i gāluega fai, o le fa'alogo i upu ma lāuga, o le fa'ata'ita'i e fa'atino ma tautala, o 'auala ia sa fafau ai le poto ma le atamai. O le tagata ua a'oa'oina e iloa i lana tu, nofo, savali, tautala, ma le gāoioi. O le gagana tautala sa fa'afaileleina ai tomai ma agava'a e mo'omia ona fa'atino ai tu ma aga o le va feāloa'i.

Back to top ^