Pasifika navigation
- Home
- Widgets
- Effective teaching
- Engaging with parents
- Tapasā
- Talanoa Ako - Pacific Talk About Education and Learning (TA PTEL)
- Pacific Education 2020–2030
- LEAP
- Pacific languages
- About this site
- Resources
- Research
You are here:
- Home >
- Pacific languages >
- Gagana Sāmoa >
- Alagā'oa mo le Gagana Sāmoa i le Initaneti >
- Motugā’afa 5 >
- 5.6
5.6 Sini mo le A'oina o 'Upu
O sini o le polokalame e tatau ona fa'a'ese'ese 'upu e mālamalama pe'ā fa'alogo pe faitau i ai, ma 'upu e iloa fa'aaogā i tusitusiga ma tautalaga. E tatau fo'i ona iai ni sini i le fa atupula'ia o 'upu ma le fa'atūmauina o 'upu. E 'ese'ese fo'i le polokalame o 'upu a tamaiti ua lelei le gagana ma tamaiti fa'ato'ā 'āmata ona a'o pe feololo fo'i le gagana. E mafai fo'i ona fa'a'upu sini i le aofa'i o ni 'upu e tatau ona iloa i se kuata 'ātoa ai ma le loloto o le iloa o lo'o mo'omia mo 'upu 'ese'ese. E fuafua sini o le polokalame i tūlaga o iai le gagana a tamaiti.
O se fa'ata'ita'iga o tamaiti ua 'avea le gagana o se gagana lona lua e mafai ona fa'apea ni sini:
- o 'upu e iloa fa'aaogā – ia iloa e tamaiti 'upu ta'atele po'o 'upu māsani i le 'āiga, ā'oga, ma vaifanua ma mafai ona fa'aaogā ia 'upu i feso'ota'iga, fa'amaumauga ma fetufaā'iga;
- o 'upu e mālamalama ai – ia fa'atupula'ia 'upu o le gagana tusitusi ma le gagana tautala e mālamalama pe'ā fa'alogo pe faitau i ai;
- o le mafai ona fua le aofa'i o 'upu e ao i taimi fa'apolōkalameina o le gagana Sāmoa i vaiaso ta'itasi;
- e tatau ona fa'ata'atia ni gāluega patino mo le a'oina o 'upu, ma 'auala e tulituliloa ai po'o fa'apefea le iloa o tamaiti;
- e ui lā ina lē mafai ona maumaututū le aofa'iga o 'upu e tatau ona iloa, ae mafai ona filifili ma fa'avasega ma a'oa'o 'upu i lalo o vāega e pei ona tā'ua i luga ona fai fuafua lea i ai le aofa'i, o se fa'ata'ita'iga, pe tolu ni 'upu fou e iloa i le aso po'o le luasefulu tasi i le vaiaso – o lona uiga e 200 ni 'upu e mafai ona a'o i le kuata pe 800 i le tausaga.