Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


You are here:

4.5 Togiina o le Sa'ili'iliga

E tatau ona manino fuafa'atatau o le togiina o le sa'ili'iliga ma iloa e tamaiti vāega ua filifilia ma ō lātou fa'atauā'ina i togi. O vāega ua filifilia ua lē tatau ona 'ese mai i la'asaga o le sa'ili'iliga, ma ia talafeagai ma le tomai ua fa'atāuaina i le tu'ufa'atasia o se līpoti.

A fa'atusatusa le togiina o se līpoti o le sa'ili'iliga i tūlaga ua fa'atauaina i le faia o tusitusiga (Motugā'afa 2), ona tatau lea ona fa'atāuaina i togi le faia e tamaiti o tāpenaga muamua po'o tusitusiga fa'ata'ita'i. O lona uiga o le togi o le faia ma le lipotia o se sa'ili'iliga e mafai ona aofia ai ni vāega tetele e pei o le (1) fa'atinoga, (2) tapenaga muamua o le lipoti, ma (3) līpoti fa'ai'u. O le filifilia o vāega patino i totonu o vāega tetele nei e mafai ona fa'atalanoaina e le faiā'oga ma tamaiti ina ia manino ma 'auai tamaiti i se fa'ai'uga o fuafa'atatau ua fa'atāuaina ma iloa ai fo'i e i lātou tūlaga e ao ona lātou 'ausia. O se fa'ata'ita'iga.

O vāega ua filifilia e fuafua lava i tūlaga o lo'o fa'atāuaina i le polokalame ma le talafeagai, ma tamaiti. O le vaevaeina fo'i o togi e fa'atatau lea i le mamafa o lo'o fa'atāuaina ai vāega ua filifilia. O le fa'ata'ita'iga ua avatu o i luga ua lē fa'apito lea i le līpoti fa'ai'u 'ae ua fa'atāuaina le fa'asologa o le sa'ili'iliga mai lava i lona fa'ata'imuaga se'ia o'o atu i le līpoti fa'ai'u. O le māfua'aga ona o le naunau ia taulia vāega uma o gaoi'oiga a tamaiti. A fa'atāuaina i togi e maua, ua fa'atupula'ia fo'i le naunau o tamaiti ina ia fa'atino vāega uma i le mafai lātou te 'ausia. O ni isi fo'i o taimi e mafai ona na'o le tasi le vāega e togiina, o se fa'ata'ita'iga, līpoti fa'ai'u, pe na'o le fa'atinoga o le sa'ili'iliga 'ae fuafua lava i sini o le polokalame, ma le tūlaga o iai le tōmai o tamaiti.

O alagā'oa e mafai ona fa'atino ai gāluega sa'ili'ili fa'atasi ma tamaiti o' lo'o a'oina le gagana:

Burgess, Fe'aua'i (1991). Kirikiti: O le Ta'aloga mo Tagata Uma. Ueligitone: Alagā'oa o le Atamai. [pe fa'apefea ona tu'ufa'atasia ni ta'aloga kirikiti mo le autalavou]

Vercoe, Caroline Lolegi (1996). O Mamanu o le Siapo. Ueligitone: Alagā'oa o le Atamai. [o le uiga o le siapo]


Footer: