Pasifika navigation
- Home
- Widgets
- Effective teaching
- Engaging with parents
- Tapasā
- Talanoa Ako - Pacific Talk About Education and Learning (TA PTEL)
- Pacific Education 2020–2030
- LEAP
- Pacific languages
- About this site
- Resources
- Research
You are here:
- Home >
- Pacific languages >
- Gagana Sāmoa >
- Alagā'oa mo le Gagana Sāmoa i le Initaneti >
- Motugā’afa 4 >
- 4.4
4.4 O Lou Mata'alia ma Sogasogā i Lau Vasega
Ua māsani lava ona 'ave gāluega i tamaiti e ō e fai i ai ni sa'ili'iliga 'ae ua 'uti'uti le fesoasoani mo lātou. Ua mautinoa e tatau ona mālamalama tamaiti i la'asaga o sa'ili'iliga. O lona uiga e tatau ona iai ni avanoa lātou te fa'ata'ita'i ai ona fa'atino la'asaga 'ese'ese o se sa'ili'iliga i le gālulue felagolagoma'i ma le faiā'oga po'o isi tamaiti. E fautuaina ina ia:
- fa'amālamalama i tamaiti la'asaga o le sa'ili'iliga;
- iloa e tamaiti le taua o le sa'ili'ili i le fa'atamao'āigaina o ō lātou tomai fa'alemāfaufau;
- iai ni gāluega e fesoasoani ai i tamaiti ia fa'atino la'asaga ta'itasi uma ina ia 'aua nei si'i sa'o pe kopi fa'amatalaga mai tusi a ia iloa fetu'una'i ina ia talafeagai;
- iai ni ata fa'ata'ita'i o ni lipoti o sa'ili'iliga ua māe'a ona fai e va'ai i ai tamaiti;
- ma'oti le faiga o fesili ma fa'apolokalame le taimi i matāti'a e 'ausia i lea taimi ma lea taimi;
- a'oa'o tamaiti e fa'ailoa i auala taualoa tusi si'i ma ē e ana mau o lo'o fesoasoani po'o tā'ua i le lipoti;
- fai muamua ni sa'ili'iliga i tūlaga faigofie mo se taimi pe limasefulu minute e 'āmata ona fa'amāsani ai tamaiti i la'asaga o sa'ili'iliga.