Pasifika navigation
- Home
- Widgets
- Effective teaching
- Engaging with parents
- Tapasā
- Talanoa Ako - Pacific Talk About Education and Learning (TA PTEL)
- Pacific Education 2020–2030
- LEAP
- Pacific languages
- About this site
- Resources
- Research
You are here:
- Home >
- Pacific languages >
- Gagana Sāmoa >
- Alagā'oa mo le Gagana Sāmoa i le Initaneti >
- Motugā’afa 3 >
- 3.5
3.5 Faia o Filifiliga ma Fa'ai'uga
O le iloiloina o tāua o le tagata lava ia e fesoasoani lea i le faia o ni ana filifiliga po'o ni fa'ai'uga i se matā'upu. E feso'ota'i la le iloilo e tamaiti o ō lātou lava talitonuga ma tāua, ma tāua o le fa'asāmoa ma ni filifiliga lātou te faia i ni tulaga e aliali mai. E tatau lava ona va'ava'alua tūlaga nei i le a'oa'oina o tū ma aga o le fa'asāmoa.
O lo'o avatu i le ata o i lalo se fa'alautelega fa'apea:
| O le Faia o Filifiliga ma Fa'ai'uga | |
| Iloilo ma toe manatu. | O le ā se lelei o le fa'ai'uga ma fa'atinoga sa faia? |
| Fa'ata'atia se ata fuafua mo se fa'atinoga. | E fa'apefea ona fa'atino se fa'ai'uga ua faia? O ā mea e mana'omia? O ā taimi, o ai e faia? O le a le tau? O a aoafiaga? |
| Iloilo ma fa'atulaga filifiliga. E mafai ona fō'ia ni fe'ese'esea'iga i o tātou talitonuga? | Filifili ni fuafa'atatau mo le iloiloina o filifiliga. Fa'atulaga filifiliga mai le pito sili ona talafeagai, pito sili ona taugofie, pito sili ona mafai pe'ā fuafua i le tamao'āiga, si'osi'omaga. |
| Sa'ili se fa'ai'uga p'oo se tonu. | E fa'apefea ona tātou faia se fa'ai'uga ina ia iai se suiga? O a ni mea e ono fai e fō'ia ai le tūlaga ua alia'i mai? Fa'atele le falesa, fa'alua ona fai lotu i le taeao, fa'aaogā isi fale? O a mea ua tāua i isi? |
| Fa'alautele mālamalamaga i se matā'upu, 'autū po'o se fa'afitāuli. | O le ā le fa'afitāuli? O le ā le matā'upu o lo'o mana'omia se fa'ai'uga? O ā ona mā'ave'ave 'ese'ese ? Ua lē ofi le falesā. |
(O'Connell, 1998)
I lalo o ia vāega ta'itasi e mafai ona galuea'ina ai tomai ma agava'a e pei o nei:
- O le fa'alautelega o malāmalamaga i se matā'upu 'autū po'o se fa'afitāuli. Fa'amatala au'ili'ili se fa'afitāuli po'o le matā'upu 'autū i ona vāega tāua; a'oa'o ni fa'amatalaga po'o ni mau i le fa'afitāuli; fuafua ma fa'atino se sa'ili'iliga ia fa'amalamalama 'ātili ai le fa'afitāuli; fai ni fesili ia mālamalama 'ātili ai le fa'afitāuli po'o le matā'upu 'autū.
- O le sa'iliga o se fa'ai'uga po'o se tonu. Iloa po'o ai e faia fa'ai'uga; fa'atalatalanoa ni fa'ai'uga e ono faia 'ātoa ma o lātou a'afiaga; filifili ni fa'ai'uga e ono talafeagai; faia ni fautuaga.
- O le iloiloga ma le fa'atulagaga o filifiliga. Filifili ni fuafa'atatau mo le iloiloina o filifiliga; faatulaga filifiliga mai le pito sili ona talafeagai, ma le tamao'āiga, si'osi'omaga, mana'oga, ma le iloa a'afiaga o filifiliga eseese.
- O le fa'ata'atiaga o se fuafuaga mo se fa'atinoga. Fa'ata'atia ni sini po'o ni fa'anaunauga e ao ona 'ausia, fa'atalanoa ma tusi i lalo tūlaga e ao ona fa'atino mo le 'ausia o le fa'anaunauga po'o le mana'oga; tusi i lalo po'o ai e faia, le taimi e māe'a ai, tūlaga e tatau ona taunu'u i ai, ma le tau; fa'atino ma lipoti taunu'uga.
- O le iloiloga ma toe manatu. Taga'i i taunu'uga o fuafuaga sa fa'ata'atia ma iloilo tūlaga ua lelei ai ma tūlaga e ono fa'aleleia.