Pasifika navigation
- Home
- Widgets
- Effective teaching
- Engaging with parents
- Tapasā
- Talanoa Ako - Pacific Talk About Education and Learning (TA PTEL)
- Pacific Education 2020–2030
- LEAP
- Pacific languages
- About this site
- Resources
- Research
You are here:
- Home >
- Pacific languages >
- Gagana Sāmoa >
- Alagā'oa mo le Gagana Sāmoa i le Initaneti >
- Motugā’afa 3 >
- 3.4
3.4 Au'ili'iliga o Tāua
O se isi fa'ata'ita'iga o le iai lea o ni avanoa e māfaufau ma iloilo ai e tamaiti tūlaga ua tāua ia i lātou lava. O lo'o avatu le ata o i lalo se fa'alautelega fa'apea:
| O le Iloiloina o Tāua o le Tagata ma Tāua o le Fa'asāmoa | |
| Iloilo ma toe manatu. | O ā ni mea ua tatou iloa ia tāua ma talitonuga o isi? |
| Fetufaā'i. | E fa'apefea ona fa'ailoa atu o tatou tāua ma talitonuga? |
| Aloā'ia fe'ese'esea'iga i talitonuga ma tāua. | E mafai ona fō'ia ni fe'ese'esea'iga i o tatou talitonuga? |
| Mālamalama i māfua'aga ua fa'atāuaina ai e tagata ia tūlaga. | O ā mea ua tāua i tagata? 'Aiseā? O ā ni ā lātou mau? |
| Fa'amanino tulaga e fa'atāuaina e le tagata lava ia ma mea ua fa'atāuaina e isi. | O a mea ua tāua ia te a'u? O ā mea ua tāua i isi? |
(O'Connell, 1998)
I lalo o ia vāega ta'itasi e mafai ona galuea'ina ai tomai ma agava'a e pei o nei:
- O le fa'amanino o tūlaga e fa'atāuaina e le tagata lava ia ma mea ua fa'atāuaina e isi: fa'aali manatu e 'auai pe tete'e ai i se matā'upu, iloa 'ese'esega o le mau ua fa'avae i le mea moni, ma le mau ua na o se manatu; fa'aalia lagona; mafai ona pu'e manatu ma lagona o isi; fa'afeso'ota'i fa'atinoga ma tāua po'o ni talitonuga; fesiligia talitonuga ma mau a isi; mātau tūlaga ua fa'aitū'au pe fa'apitotasi ai se talitonuga.
- Ia malamalama i mafua'aga ua fa'atāuaina ai e tagata ia tūlaga: fa'aali māfua'aga mo talitonuga ma mau; mātau tulaga o lo'o fa'amaonia ai se mau ma ni tūlaga ua lē tonu ai; fai ni sa'ili'iliga i ni talitonuga; fa'aaogā ni fa'aapogaleveleve e fa'aali ai tūlaga tāua; matau mau eseese i se tulaga poo se faafitauli; matau aafiaga o ni isi o talitonuga poo tulaga ua faatauaina, faamatala ni suiga o talitonuga; otooto tulaga taua i ni talitonuga.
- Aloaia fe'ese'esea'iga i talitonuga ma tāua: fa'alogo i mau a isi; toe fa'amatala talitonuga ma mau a isi; mātau 'ese'esega o talitonuga; mātau tūlaga e tutusa ai; mātau tūlaga e mālilie uma i ai; sa'ili ni fa'ai'uga e mālilie ai le to'atele; fa'amatala le taliaina, le tete''e atu i se filifiliga ma avatu ni māfua'aga.
- Fa'ailoa atu talitonuga: fa'aaogā siata, ata e momoli ai se talitonuga po'o ni mau; fai se fa'atalanoaga fa'alaua'itele; fai ni fa'afinauga i ni talitonuga ma mau 'ese'ese; fa'aaogā ni ata fa'atino; mālamalama ma aloa'ia mau a isi.
- Iloilo ma toe manatu: iloilo ma toe manatu i tūlaga ua a'oa'oina ai; mātau tūlaga ua suia ai talitonuga; mātau tūlaga fou ua iloa; mātau tūlaga patino i lona lava tagata i tūlaga ua ia fa'atāuaina ma māfua'aga.