Pasifika navigation
- Home
- Widgets
- Effective teaching
- Engaging with parents
- Tapasā
- Talanoa Ako - Pacific Talk About Education and Learning (TA PTEL)
- Pacific Education 2020–2030
- LEAP
- Pacific languages
- About this site
- Resources
- Research
You are here:
- Home >
- Pacific languages >
- Gagana Sāmoa >
- Alagā'oa mo le Gagana Sāmoa i le Initaneti >
- Motugā’afa 1 >
- 1.4
1.4 O le Gagana Tautala ma le Galuea'iina o Atamai Fa'alemafaufau
O le tautala e fa'amatalaina le mafaufau. O foliga vaa'ia o manatu fa'alemāfaufau e atagia mai i 'upu, fa'a'upuga o fa'aaoga, ma le feso'ota'iga o manatu o fa'aalia. E fesoasoani le tautala i le atina'eina o tomai fa'alemāfaufau auā a tautala, ua maua le avanoa e fa'aaogā ai 'upu e fa'aali, fetu'utu'una'i ma fa'avasega ai manatu, e fa'afesootai ai manatu fou ma se tūlaga ua iloa. O ia tūlaga e fa'atupula'ia ai le mafaufau o le tamaitiiti mai le loto manatu ma o'o atu ai i tūlaga o au'ili'iliga ma iloiloga.
Ua fa'apenā le sa'iliga ma le liuliuga o le tōfā manino ma le fa'autaga loloto i saofa'iga a nu'u, ekalesia ma 'āiga potopoto. A sā'ili le tōfā ma le fa'autaga e felafolafoa'i, e fetu'utu'unai manatu se'ia maua le tasi. O le tautala e fefa'asoaa'i ma au'iliili ai se matā'upu fa'apea ma ni ona tuliaufuluga. 'A'o nei felafolafoa'iga, e iai ona tapu i ē e tatau ona fa'aali manatu ma lo lātou fa'asologa. E fa'alagolago le silafia o nei tūlaga i tala'aga o gafa ma faiā sa tu'utuutaliga mai e tua'ā.
O le tautala i tūlaga e fetufa'ai ma felafolafoai ai ma isi ua avea lea ma 'auala e fa'atupula'ia ai tomai fa'alemafaufau.